Sinsal Primavera

Único concerto en España

Mércores 1 de abril | MARCO de Vigo

A música cos potentes drons de Water Damage, colectivo de Austin, é un exemplo maxistral de como funciona o son en constante vibración. Guiados polo principio de “Repetición máxima, desviación mínima”, Water Damage xera campos de drons con capas de ondas resonantes. Desde o escenario, cada unha das ideas sonoras ocupan un estrato e, unha vez que comezan, non miran atrás: todo avanza cara a un punto final imaxinario que só chega cando o ambiente comeza a vibrar.

Os integrantes de Water Damage tamén participan en proxectos como Spray Paint, Black Eyes, USA/Mexico, more eaze ou Swans. A súa presentación acústica ao vivo non vai tan na liña doutros artistas do xénero malia que, en apariencia, conserven elementos comúns. Neste sentido, o colectivo tende a perturban o son insertando outras fontes físicas pero sen descompoñer o equilibrio entre capas de tons e tramas armónicas.

Hai algo realmente especial na música baseada en drons. Xa sexa a voz de Pandit Pran Nath, o ARP 2500 de Eliane Radigue ou os amplificadores de Sunn Ou))), ao cambiar a atención do ouvinte cara aos detalles, os drons teñen unha capacidade única para transportarnos a lugares moi afastados, a miúdo saltando as capacidades auditivas da nosa fisioloxía. Talvez, por iso, cada directo é unha viaxe desde a experiencia individual. 

“Water Damage explora os límites do son con intensidade e precisión, ofrecendo a cada asistente unha experiencia sonora inmersiva e transcendental”